LlGC Llsgr. Peniarth 45 – tudalen 252
Brut y Brenhinoedd
252
on a|e kyweiryaỽ o urenhinaỽl arỽylyant
a|e hanuon y uanachlogoed y gỽladoed e
hun. Ac yna yd anuonet corff betwyr hyt
ym peittaỽ. Ac yn|y uynwent y parth dehe+
u yr dinas y cladỽyt ger llaỽ y caer yn an+
rydedus. Ac y ducpỽyt corff kei hyt yn an+
gỽy. Ac ymynachloc hermitwyr oed y|m+
yỽn forest y cladỽyt yn anrydedus. ger llaỽ
castell idcanum. Hoedlyn tywyssaỽc rỽ+
ytỽn a cladỽyt yn dinas interuan yn flan+
drys. y gwyrda ereill; ieirll. A barỽneit
a marchogyon urdaỽl a ducpỽyt yr mynachlo+
goed nessaf udunt yỽ cladu yn anrydedus. Ac
o warder trugared arthur yd erchis cladu kyrff
y elynyon yn llỽyr. Ac anuon corff lles am+
heraỽdyr ruuein. hyt ar sened. ruuein. Ac erchi me+
negi udunt na dylyei ef talu teyrnget ud+
unt hỽy o ynys prydein namyn honno; ~ ~ ~
AC yno y trigyỽys arthur y gayaf hỽnnỽ
ac y darestygỽys teyrnassoed byrgỽin
idaỽ. A phan ydoed yr haf yn dyuot ac arthur
yn esgynnu mynyd mynheu yn mynet y
oresgyn ruuein. Nachaf kennadeu o ynys. prydein.
yn menegi idaỽ bot medraỽt y nei gwedy
yr wisgaỽ coron teyrnas. ynys. prydein. trỽy greu+
| « p 251 | p 253 » |