LlGC Llsgr. Peniarth 46 – tudalen 159
Brut y Brenhinoedd
159
draỽd a|r bobyl. arglỽydi heb ef. ket ar ̷ ̷+
cher ymi pregethu ychỽi. ys mỽy y|m|kym+
hellir y|ỽylaỽ noc y|dyỽedut pregeth. rac
truanet gennhyf yr ymdiuedi a|damỽein+
ỽys ychỽi gỽedy yspeilaỽ o uaxen. ynys. prydein. o|e
marchogyon. a|e hymladỽyr. ac a|dieng+
his ohonoch chỽitheu. pobyl agkyuryỽ+
ys yỽch ar|ymlad. namyn achubedic y
diỽyllaỽ dayar yn uỽy noc yn dysc ym ̷+
lad. a phann deuth ych gelynyon am y ̷
ych penn y|ch kymhellassant y|adaỽ ych
keibeu. ac megys deueit hep uugeil ar+
nadunt ych gỽasgaru. Cany mynnassa+
ỽch|ỽi dyscu ymlad. ac ỽrth hynny pa h
hyt y|keissỽch chỽi bot gỽyr ruuein yn
un a|chỽi. ac yd|ymdiredỽch yndunt. nac
yn estraỽn genedyl ny bo deỽrach no ̷ ̷
chỽi pei na atteỽch y lesged ych goruot.
Ednebydỽch chỽi hagen bot gỽyr rufein.
yn blinhau ragoch. a|bot yn ediuar gan+
tunt y|gyniuer hynt a|gymerassant ̷
| « p 158 | p 160 » |