LlGC Llsgr. Peniarth 9 – tudalen 64r
Ystoria Carolo Magno: Chronicl Turpin
64r
yr eneit. Ay boned o|y dechreu a gaffat o gywyd+
olyaytheu egylyon. Dilechtit a ysgythrỽyt yn
neuad y brenhin. honno a dysc dywedut yr ymad+
raỽd. A dosparth gỽir ageu ac a dysc amrysson o|r
ymadraỽd a|y dyall o byd yndaỽ dywyllỽch. Re+
thoric oyd yno honno a dysc dywedut yr ymad+
raỽd yn gyuyaỽn. Ac yn llỽybreid. Ac yn kyfreith+
aỽl huaỽdyl a dosparthus vyd a|y gỽypo. Geo+
metria a ysgythryssit yno. honno a dysc messu+
raỽ y dayar. y dyffryned ar mynyded. Ar glyne+
u ar moroed ar yspasseu ar milltiroyd ar neb a ỽy+
po honno yn gyfyaỽn pan edrychyo let y vrenhin+
yayth ef a ỽybyd pa saỽl milltir neu pa saỽl gỽr+
hyt neu pa saỽl troytued a vo yndi o hyt a llet.
ac velly am vays neu kymỽt. neu dinas. ef a
ednebyd pa saỽl troetued a vo yndaỽ. A|thrỽy hon+
no y kyuansodes yr amherodron rufein y mill+
tiroyd. Ar ffyrd o|r dinas pỽy y gilid. Ac o honno
y llauurya yr emeith disynwyr y vessuraỽ y tir+
ed ar gỽinllanneu. Ar gỽeirglodyeu. ar meyssyd.
ar llỽyneu. Arsmetica a ysgythryssit yno. yr
hon a traytha pob peth o gyfrif. Ar neb a ỽypo hon+
no pan welho dỽr y uchet ef a ỽybyd pa saỽl ma+
yn a vo yndaỽ. neu y gyniuer dauyn dỽuyr
a vo yn|y ffiol neu o lyn arall. neu y gyniuer kei+
naỽc a vei yn|y das aryant. neu y gyniuer gỽr
a vo yn|y llu. o honno y llauurya y seiri mein. ky+
nyt adnapont y geluydyt y gỽplau y tyroyd
uchaf. Astronomia a ysgythryssit yno. sef yỽ
| « p 63v | p 64v » |