Breudwd Rhyddiaith Gymraeg 1300-1425
English

Rhydychen, Llsgr. Rawlinson B 467 – tudalen 80v

Meddyginiaethau

80v

Kẏmer oẏl o ros ac ir ef a dẏro idaỽ araỻ
o|ẏ ẏfet saẏge gỽẏllt. ac isop a gỽin. arall.
Kẏmer bẏs gỽẏnẏon a dot wẏnt ar ẏ|tan
meỽn padell i|grassu ẏn|dda a|gỽedẏ hẏnnẏ
gỽna bỽdyr ohonunt ac ir ẏ|ỻe bo ẏ dolur
a|mel gloeỽ a|bỽrỽ o|r pỽdẏr hỽnnỽ arnaỽ
a|dot lẏỽan arnaỽ a|chỽlỽm a gat yno ẏni
ddẏgỽẏddo e|hunan ẏ|wrtho arall Kẏmer
vlonec cath a|gỽer dafat a|sud y walỽrd a|r
ache. a|r polipodii. a|r morel. a|r hok a dot
igyt ac ef vel. a phyc. a chỽẏr neỽyd. a|bla+
wt gỽenith a berỽ wẏnt igẏt meỽn padeỻ
a|phan vont wedẏ i|berỽi ẏn dda gỽask ẏn
dda drỽẏ liein a|dot meỽn blỽch i gadỽ a
da ẏỽ rac pob gỽayỽ arall Kẏmer vlaỽt rẏc
a dot igẏt ac|ef sud ẏ walwrt a|gỽna ddỽy
deissen