Llsgr. Amwythig 11 – tudalen 106
Y Groglith
106
deith pa beth a doythost|i ẏma ac ẏna ẏ dodas+
sant hỽẏnteu dỽylaỽ creulaỽn ẏn Jessu a|e
dala ac ẏna ẏ tynaỽd vn o discyblon Jessu
kledẏf a tharo ẏ clust deheu ẏ vn o weison
tẏwẏssaỽc ẏr effeireit A Jessu a dẏwaỽt ẏ+
na dot dẏ kledẏf ẏn|ẏ le a lado o chledẏf ẏ
lledir Panẏ|thẏbẏ ti pai mi a archei ẏ|m
tat ẏ rodei mỽẏ no deudec ỻeg o egẏlẏon
im ẏ|m amdiffẏn Y|mod hagen ẏ kỽplaer
ẏr ẏscrẏthur ẏ mae reit ẏ|wneuthur Ac
ẏna ẏ dẏwaỽt Jessu ẏ|r toruoed megẏs da+
la ỻeidẏr ẏ doẏthaỽch ẏ|m dala i a chledy+
feu ac a ff·usteu a pheunẏd ẏd oedỽn gẏt
a chỽi ẏn|ẏ temẏl ẏn aỽch dẏscu ac nẏ|m
dalẏssaỽch O achaỽs cỽplau ẏr yscrẏthur
hagen ẏ gwnaethpỽẏt hẏnnẏ a darogan
proffỽẏdi ac ẏmadaỽ a|oruc ẏ discẏblon oỻ
ac ef A menet a orugant a Jessu gantunt
hẏt ar caiffas tywẏssaỽc ẏr effeireit a|r a+
thraỽon a|r henafẏeit a oedẏnt ẏ·gẏt
| « p 105 | digital image | p 107 » |