Llsgr. Amwythig 11 – tudalen 145
Deongl Terfynau'r Byd
145
nant onyt dan gẏnhydu ac amylhau
uet ar mil a trẏchant a|hwech mlẏned
a thrugeint wedẏ geni crist nẏ mes+
sur ẏ keir ẏn scriuenedic mẏỽn llẏf+
uẏr braỽt Cỽlỽmbin Ac ẏn diwed
ẏ chỽechet arỽẏd uchot ẏd ẏmdeng+
ẏs ancrist ẏn amlỽc a|r dỽẏ ẏscẏmm+
unedic genedlaẏt gẏt ac ef nẏt am+
gen no Gog a Magog A rei a dẏwe+
dant uot ẏ reit geni ancrist neur dỽ+
ẏllỽẏt achos ẏ mae ẏn ẏscriuenedic
ẏ mẏỽn llẏfuẏr Jeuan abostol a elw+
ir Apocalẏpẏs mae Mil a trẏchant ac
vn ulỽẏdẏn a|thrugeint gwedẏ geni crist
ẏ tyrr ẏ kẏthreul ẏ rỽẏmeu A gwẏbẏ+
det paỽb na dẏwat Jeuan vot ẏn reit
geni ancrist nẏr amser hẏnnẏ diethẏr
dẏwetut a wnaeth ẏ datrỽẏmit ẏ ky+
threul nẏ megẏs ẏ bu datrỽẏmedic ẏn
amser ẏr amheraỽdẏr ffrederis n|ẏ a+
| « p 144 | digital image | p 146 » |