Llsgr. Bodorgan – tudalen 79
Llyfr Cyfnerth
79
gỽreic ỽryaỽc; herwyd breint y
gỽr y telir. pan lather gỽr gỽreigyaỽc. y
sarhaet a telir yn gyntaf. Ac odyna y ala+
nas. kanys trayan sarhaet y gỽr a telir
yr wreic. Gỽreic gỽr ryd a dichaỽn rodi y
chrys ae mantell ae phenlliein ae hescit ̷+
yeu ae blaỽt ae chaỽs ae hemenyn ae
llaeth heb ganhat y gỽr. Ac a eill benffygyaỽ
holl dootrefyn y ty. Ny dichaỽn gỽreic tayaỽc
rodi heb ganhat y gỽr onyt y phenguch. Ac
ny eill benffygyaỽ onyt y gogyr ae ridyll.
A hynny hyt y clyỽher y galỽ ae throet ỽrth
y throtheu. O|r a morỽyn wyra yn llathrut
heb rod kenedyl. y that a dichaỽn y hattỽyn
o|e hanuod rac y gỽr ac ny thal y hamobyr
yr arglỽyd. O|r a gỽreic hagen yn llathrut;
ny eill neb y hattỽyn rac y gỽr o|e hanuod.
O|r lle y bo y hatlam y telir y hamobyr. Y neb
a dycco treis ar wreic talet y hamobyr yr
arglỽyd ae dirỽy. Ae dilystaỽt ae hegỽedi
ae sarhaet a tal idi hitheu. O|r gỽatta gỽr
treissaỽ gỽreic. Ac os kadarnha y wreic yn| y
herbyn. kymeret hi y gala y gỽr yn| y llaỽ
asseu. ar creir yn| y llaỽ deheu. A thyget yr
| « p 78 | p 80 » |