LlB Llsgr. Cotton Cleopatra A XIV – tudalen 39v
Llyfr Cyfnerth
39v
arbenhic. Croen hyd a| daỽ idaỽ yn hydref y
gan y penkynyd. Ac o| hỽnnỽ y guneir lles ̷+
tri y gadỽ fioleu y brenhin. Ae gyrn kyn
rannu y crỽyn rỽg y brenhin ar kynydy ̷+
on. Distein a geiff ran gỽr o aryant guast ̷+
rodyon. Distein o gyfreith bieu gossot
bỽyt a llyn rac bron y brenhin a seic uch
y laỽ ac arall is y laỽ. yn| y teir gỽyl arbenic.
Ef heuyt bieu kyhyt ae hiruys or cỽrỽf
gloyỽ y ar y guadaỽt. Ac or bragaỽt hyt
y kygỽg perued. Ac or med hyt y kygỽg
eithaf. Y neb a wnel cam yg kynted y ne ̷+
uad. os deila y distein ỽrth gyfreith ef a
geiff trayan y dirỽy neu y camlỽrỽ. Ac os
deila heuyt is y colofneu yn gynt nor
penteulu trayan y dirỽy neu y camlỽrỽ
a geiff. Distein bieu cadỽ ran y brenhin
o anreith. Ac o rennir kymeret ef uuỽch
neu ych. Distein bieu tygu dros y
brenhin pan uo reith arnaỽ. Distein yỽ
y trydydyn a geidỽ breint llys yn aỽsen
y brenhin
| « p 39r | p 40r » |