LlB Llsgr. Cotton Cleopatra A XIV – tudalen 67v
Llyfr Cyfnerth
67v
reith a| tal. Or guerth dyn uuỽch y arall a bot
teth yr uuỽch yn diffrỽyth ac nas arganffo
y neb ae prynho. talet y neb ae guertho pe ̷+
deir keinhaỽc pop blỽydyn yr neb ae pryn+
ỽys tra uo y uuỽch ar y helỽ ef. Os guerth
hỽnnỽ y arall. bit ryd y kyntaf. O tri mod
y telir teithi buỽch. o dec ar| hugeint aryant.
neu o uuỽch hesp tec. neu o ulaỽt messur
llestyr llaeth buỽch. Seith modued a| uyd
yn| y uchet pan uessurher ar ỽyr or cleis traỽ
yr emyl yma. A their motued yn llet y wael+
aỽt. A their yn llet y eneu. lloneit y llestyr
hỽnnỽ a telir o ulaỽt keirch yg kyueir pop
godro yr uuỽch o hanher ebrill hyt ỽyl giric.
Odyna hyt aỽst o ulaỽt heid. Ac o aỽst hyt
galan gayaf o ulaỽt guenith y telir yn yr vn
messur hỽnnỽ.
Gverth llo gỽryỽ whech cheinhaỽc or pan
anher hyt kalan racuyr. Odyna hyt
galan whefraỽr ỽyth a| tal. Hyt galan mei
dec a| tal. Hyt aỽst deudec a| tal. Hyt galan
| « p 67r | p 68r » |