LlB Llsgr. Cotton Cleopatra A XIV – tudalen 88v
Llyfr Cyfnerth
88v
ac aelodeu. Kany dyly| neb colli tauaỽt ac
eneit ac aelodeu. o tauaỽt dyn arall. Gue ̷+
rth tudedyn paraỽt yg|kyfreith howel da
pedeir ar| hugeint aryant. Dyrnaỽt a gaf ̷+
fer o anuod nyt sarhaet. iaỽn yỽ hagen di ̷+
uỽyn yr anyuet nyt amgen guaet a gue ̷+
li a chreith o gyuarch o byd. Pan talher
racdant guerth creith o gyfarch a telir gan+
Pvmp allwed ygneitaeth ys +[ taỽ
syd. Vn yỽ ofyn dy athro ae garu.
Eil yỽ mynych ouyn dy dysc. Trydyd yỽ
cadỽ genhyt y dysc a geffych. petweryd
yỽ tremygu golut. Pymhet yỽ cassau
kelwyd a charu guiryoned. rac ofyn duỽ.
Pỽy bynhac a| torho teruyn ar tir dyn
arall talet tri buhyn camlỽrỽ yr brenhin
a gunaet y teruyn yn gystal a chynt.
Y neb a| typer am tystolyaeth tyget mal
y bo iaỽn a chyfreith idaỽ. Ac yna kyme ̷+
ret y llall y creir a diwatet ar y lỽ a llysset
y tyst. Ac odyna syllet yr ygneit
| « p 88r | p 89r » |