LlB Llsgr. Cotton Cleopatra A XIV – tudalen 92r
Llyfr Cyfnerth
92r
breint. a phriodolder. a chygwarchadỽ. ny
dyly dyn a| uo is y ureint nor rei hynny.
teruynu arnunt. Tref red dissỽyd a thref
ryd sỽydaỽc pedeir rantir a| uyd ym pop
tref y teir yn gyuanhed ar petwared yn
porua yr teir tref. Tayaỽctref teir rantir
a| uyd yndi ym pop vn or dỽy y byd tri
thayaỽc ar tryded yn porua udunt. Seith
tref a| uyd yn| y vaenaỽr or tayaỽctref.
OEt arwassaf o wlat arall neu am dỽ ̷+
uyr maỽr neu am lanỽ pytheỽnos.
ac nyt mỽy. Oet arwassaf yn vn gymhỽt
neu yn vn cantref tri dieu. Os yn arglỽ ̷+
ydiaeth arall yn agos naỽ nieu Ac ny do ̷+
dir ter·uyn ar duỽ sul nac ar duỽ llun.
O whe fford y guahan dyn ae da. o goll
a lledrat ac aghyuarch. A benfyc.
a llog ac adneu. Or teir kyntaf y keffir da+
la a| damdỽg. Or teir ereill ny dylyir na+
myn eturyt megys y rother. Unwerth
uyd y neb a| ỽystler ar neb y rother y gỽystyl
drostaỽ
| « p 91v | p 92v » |