LlB Llsgr. Cotton Titus D IX – tudalen 53v

naỽ yn yscriuenedic. O|r kyrrch ki ar dyn. dodet y aryf yrydaỽ ac ef ;ac od|a ar yr aryf hynny ladher. ny|thelir dim drostaỽ. O|r kyrch brath ki dyn hyny del

y|gỽaet; perchenn y|ki a|dyly talu gỽaet y|dyn

brathedic. ac o|r llad y|brathedic y|ki kynn y

dianc y|ỽrthaỽ; ny|cheiff namyn vn ar|bym+

thec dros y waet. KJ kynneuodic ar|vrathu

dynyon. o|r brath tri dyn. ac na|s lladho y

arglỽyd yna. y|rỽymaỽ a|dylyir ỽrth tro+

et y arglỽyd a|raff o|dỽy ryỽant. ac|yno

y|lad. a|thalet camlỽrỽ y|r brenhin.

N Y|thelir na dirỽy na|chyamlỽrỽ

am ederyn dof. a|lather neu a|dy+

ccer letrat. namyn talu y|r perch+

enn y werth. Y neb a|dycco nyth

hebaỽc; talet punt y|r|brenhin. Gỽerth

hebaỽc coch kynn y|dodi y|myỽn mut; ha+

ner punt. Gỽedy tynner o|r mut mal yn

wen. punt a|tal. Gỽerth hỽedic; pedeir ar

hugeint. NYth llamysten; pedeir ar|hu+

geint a|tal. Yn goch; deudec a|tal. O|r|byd gỽ+

ynn pan tynner o|r mut. pedeir ar|hugeint.

M Odrydaf gỽenyn; pedeir ar|hugeint

a|tal. kynheit. vn ar|bymthec.

Eil heit; deudec keinnaỽc a|tal. Y|tr+

ydyd heit; wyth geinnaỽc a|tal. Heit a|del

o|r gynheit; deudec keinnaỽc a|tal. Heit o|r

heil heit; vyth geinnaỽc a|tal. ac ynn|y