Llsgr. Caerdydd 1.362 (Hafod 1) – tudalen 39v
Brut y Brenhinoedd
39v
holl ymladwyr ynys prydein. ac allỽys y gaffel o leo+
ed ereill. A gỽedy bot pop peth yn paraỽt. Kychỽyn
a oruc parth a llydaỽ y wlat a elwir weithon bryta+
en vechan. A gỽedy dyuot yno dechreu ymlad ar po+
byl a oed yndi a llad hinuallt eu tywyssaỽc. A ph+
ymptheg|mil o wyr aruaỽc y gyt ac ef. A phan
welas maxen meint yr aerua a wnathoedit ar y
gelynyon A gỽybot o·honaỽ bot yn haỽd gỽedy
hynny eu darestỽg o gỽbyl galỽ kynan a|wnaeth
attaỽ dan werthin a dywedut ỽrthaỽ val hyn ar ne+
illtu odieithyr y lluoed. Kynan heb ef llyma vn
o|r gỽladoed goreu yn freinc gỽedy darestỽg ynn
gobeith yỽ genyf weithon kaffel y rei ereill. Ac ỽr+
th hynny bryssyỽn y gymryt y kestyll ar kaeroed
ar dinassoed kyn mynet y chỽedyl hỽnnỽ yn honeit
dros y gỽladoed. Ac ymgynullaỽ paỽb ygyt yn er+
byn kans o kaffỽn y teyrnas hon nyt oes pedrus+
ter genyf gaffel holl ffreinc yn einym. Ac ỽrth
hynny na vit ediuar genyf ganhatau y mi dy dy+
lyet ar ynys prydein. Kans py beth bynhac a go+
llych ti yno mineu a|e enillaf y ti yma. A yn
gyntaf mi a|th wnaf yn vrenhin ar y wlat hon
Ac a|e kyuanhedỽn oc an kenedyl ne|hunein gỽe+
dy darffo yn vỽrỽ estrỽn* genedyl o·honei yn llỽyr
a hon vyd eil brytaen. A hyt y gỽelir y mi gỽlat
ffrỽythlaỽn yỽ hon o ymryual yteu ac auonoed
kyflaỽn o pyscaỽt. A choedyd a fforestyd tec a+
das y hela. Ac y hyt y gỽn nyt o* gỽlat garuei+
dach no hon. Ac yna adaỽ a|wnaeth kynan. kad
| « p 39r | p 40r » |