Llsgr. Caerdydd 1.362 (Hafod 1) – tudalen 66r
Brut y Brenhinoedd
66r
yr oes hon a allo manegi ony baei ethrylith ma+
ỽr ai harỽedei kans kymeint ynt y mein. ac na
cheffit kedernyt na deỽred a allei dim ỽrthunt. Ar
mein hynny bet|etyynt yma yn|y wed y mae*+
ent yno. gỽedy eu gossot ygkylch y vedra+
ỽt ỽynt a seuynt yno yn tragywydaỽl.
AC yna sef a oruc emreis chỽerthin.
a dywedut val hyn. py ansaỽd heb ef
y gellit dỽyn mein kymeint ar rei hynny
o le kyn|bellet a hỽnnỽ. Ac na cheffit yn ynys pry+
dein mein a ellit gỽneuthur y gỽeith hỽnnỽ onadunt.
Ac yna y dywaỽt myrdin. Arglỽyd heb ef na chyff+
roa ti ar werthin yn orwac yr hyn. kanyt yr gỽatỽ+
ar na gorwacter y dywedeis yr ymadraỽd hỽn. kans
kymyscedic rinwedaỽl hynt y mein hynny a iachỽy+
daỽl. Ac adas y amryual vedeginyaetheu. Ar keỽri
gynt a|e ry|duc yno ỽynt pan attoedynt yn pressỽy+
laỽ iwerdon. Sef achaỽs oed hynny; pan delhei heint
neu gleuyt ar vn o·nadunt. sef y gỽneit enein yg
kymherued pedryual y mein. Ac y golchynt y mein
ac y byrynt y myỽn yr enein. Ac yn|y dỽfyr rinwe+
daỽl hỽnnỽ y kaffei y klaf iechyt o pop heint o|r a vei
arnaỽ. Ac odyna y kymyscit llysseu ar dỽfyr hỽnnỽ.
Ac a hỽnnỽ y iecheit gỽelioed y rei brathedic. kanyt
oed yno vn maen heb vedegnyaeth* rinwedaỽl arnaỽ.
A gỽedy klybot o|r bryttanyeit bot y ryỽ rinwedeu
hynny ar y mein. ỽynt a gaỽssant yn eu kyghor kyr+
chu y mein. Ac ymlad a gỽyr iwerdon a cheissynt eu
lludyas. Ac yna yd etholet vthyr pen dragon braỽt
| « p 65v | p 66v » |