Llsgr. Caerdydd 1.363 (Hafod 2) – tudalen 141r
Brut y Brenhinoedd
141r
Ac wrth henny ed oedynt gwannach ac|ny
ellynt kaffael bvdỽgolyaeth oc eỽ gelynyon.
AC gwedy darỽot hayach anreythyaỽ
er enys en hollaỽl. pan ỽynegyt hen+
ny er brenyn llydyaỽ a orỽc en wuy nog y
dyley nac y dessyỽey y clefyt a|e wander.
ac erchy dyfynnỽ holl wyrda e teyrnas hyt
attaỽ ef wrth ew hanghreyfyaỽ am ev syb+
erwyt. Ac gwedy gwelet ohonaỽ ef paỽb
onadvnt rac y kyndrycholder ef ymgeyny+
aỽ ygyt cosbedygaetheỽ a dywaỽt vrthvnt.
a thyghỽ a orỽc ed aey e|hỽn en eỽ blayn en|e+
rbyn y elynyon. Ac wrth henny gorchymyn
a orỽc gwneỽthỽr gelor ydaỽ en er honn e ge+
llyt y arweyn endy. kanys y cleỽyt a|e wan+
der a lỽdey hyt nat oed anssaỽd arall e galle
enteỽ ỽynet. Ac y gyt a hynny gorchymyn a o+
rỽc y baỽp bot en baraỽt en erbyn pan ỽey re+
yt ỽdvnt ymkyỽarỽot ac eỽ gelynyon. A heb
ỽn gohyr paraỽt wu o|r elor a pharaỽt wu
| « p 140v | p 141v » |