Llsgr. Caerdydd 1.363 (Hafod 2) – tudalen 141v
Brut y Brenhinoedd
141v
paỽb en erbyn e dyd terfynedyc hỽnnỽ.
AC gwedy dyvot e brenyn hyt en ỽerolan
e lle aỽr hon a elwyr seynt alban. ene* ed
oedynt er rac·dywedygyon elynyon henny sa+
ysson en kody ac en dystryỽ er holl pobyl. A gwe+
dy mynegy y octa ac offa bot e brytanyeyt en dy+
ỽot. ac eỽ brenyn ar elor ganthỽnt. ny bỽ teylw+
ng ganthỽnt ymlad ac wynt. kanys eỽ brenyn
a dỽgessynt ar elor ganthỽnt. ac a dywedynt y vot
en hanner marỽ. ac na dyleynt gwyr kymeynt ar
rey hynny ymlad a ryw dyn hỽnnỽ. Ac wrth henny
ed aethant yr kaer y meỽn ac adaỽ e pyrth ar doreỽ
yn agoret megys na bey dym oỽyn arnadvnt. Ac y
gyt ac y mynegyt henny y ỽthyr pendragon
en kyflym erchy a orỽc kyrchỽ e dynas. ac o pob
parth ymlad a damkylchynỽ e mỽroed. Ac en|e lle
ỽfydaỽ a gwnaethant e kywdaỽtwyr a chylch+
ynỽ e kaer a gwneỽthỽr aerỽa o|r saysson a th+
ory e mỽroed hayach pey na bey o|r dywed dechrev
o|r saysson gwrthwynebỽ ỽdvnt. kanys pan welssant
wy y kywdaỽtwyr en gorvot arnadỽnt e bw edy+
var kanthỽnt wynteỽ e syberwyt a kymeressynt
ar y dechrev. Ac wrth henny ymrody a gwnaethant
y eỽ hamdyffyn e|hvneyn o hynny allan. ac eskynnv
| « p 141r | p 142r » |