Llsgr. Caerdydd 1.363 (Hafod 2) – tudalen 159v
Brut y Brenhinoedd
159v
Jonathal o kaer dor. bodo o Ryt·ychen. Ac eyth+
yr er rey henny llawer o wyr da nyt oed ley eỽ
bonhed nac eỽ telynctaỽt no|r rey henny. Nyt
amgen. Dỽnaỽt wur map papo post pryde+
yn. keneỽ ỽap koel. Peredỽr ỽap elydyr. Gry+
fỽd ỽap nogoyt. Reyn ỽap elaỽt. Eddelyn ỽap
kelydaỽc. kyngar ỽap bangaỽ. kynỽaỽr. Gorbo+
nyon. Maeskoet. clofflaỽt. Rỽn ỽap neỽton. kyn+
ỽelyn ỽap trỽnyaỽ. Cadell ỽap Catyel. kyndylyc
ỽap neỽton. Ac y gyt a henny llawer o nyver oed
ry hyr eỽ henwy. Ac y gyt a henny o|r enyssed en eỽ
kylch e deỽthant. Gyllamỽry brenyn ywerdon.
melwas brenyn yslont. Doldan brenyn Godlont.
Gwynvas brenyn orc. lleỽ vap kynỽarch breny+
n llychlyn. Echel brenyn denmarc. Ac o|r parth
arall yr mor o ffreync. holdyn tywyssaỽc rwyth+
en. leodegar yarll boloyn. bedwyr pen trwy+
llat dỽc normandy. borel cenomans. key pen sswy+
dvr dỽc o angyw. Gwyttart o peyttw. E|deỽdec
gogyfỽrd o ffreync. a Gereynt carnwys en tywys+
saỽc arnadvnt. howel ỽap emmyr llydaỽ brenyn
brytayn ỽechan y gyt ar gwyrda oed darestyng+
| « p 159r | p 160r » |