Llsgr. Caerdydd 1.363 (Hafod 2) – tudalen 2v
Brut y Brenhinoedd
2v
marw eneas. ef a kymyrth ascanyỽs y ỽap ef
y ỽrenhynyaeth yr hỽn a anadoed ydaỽ yn tro
o creỽsa merch pryaf. ac a dỽgassey eneas kan+
thaỽ hyt yr eydal. Ac gwedy hynny ascanyỽs a
edewys laỽynyỽm y dynas ry wnathoed eneas
y tat o|y lysỽam. ac adeylỽs ynteỽ y dynas gw+
ynn ar aỽon tyberym yr honn a elwyr rỽue+
in yr aỽron. ac a dỽc dwyweỽ y tat kanthaỽ h+
yt y dynas newyd ry wnathoed ynteỽ. ac gwedy
hynny y geỽdwyweỽ hynny e hỽneyn a ymchwel+
assant tra·cheỽyn hyt yn laỽynyỽm. Ar eylweyth
ascanyỽs a dỽc y geỽ·dwyweỽ hynny hyt y dynas gw+
ynn. ac wynteỽ yr eylweyth a ymchwelassant hyt
yn laỽynyỽm. Ascanyỽs|hagen a ỽagaỽd sylỽyỽs
y ỽraỽt ynteỽ y gyt a holl gwared ac am+
geled. ar sylỽyỽs hỽnnỽ map oed y eneas o
laỽynya merch latynỽs brenyn yr eydal.
Ac gwedy gwledychỽ o ascanyỽs teyr bly+
ned ar dec ar rỽgeynt. ef a edewys sylỽy+
ỽs y ỽraỽt yn treftadaỽc yn|y ol gwedy ef.
Ar sylỽyỽs hỽnnỽ a ymrodes y ledrat serch
godinep. ac a ỽechyoges nyth y laỽynya.
| « p 2r | p 3r » |