LlB Llsgr. Harley 958 – tudalen 1v
Llyfr Blegywryd
1v
aryant kẏhẏt ac o|r llawr hẏt ẏ|geneu y
brenhin pan eistetho ẏn|ẏ gadeir a kẏn vras+
set a|e hiruẏs. A|thri ban erni a thri ydanei
kẏn vrasset a|r wialen. A|ffiol eur a angho
llaỽn diaỽt ẏ brenhẏn ẏndi. A|chlaỽr eur
ernei kẏflet ac ỽẏneb ẏ brenhẏn kẏn dew+
het uẏd ẏ|ffiol a|r claỽr ac ewyn amaeth a
amaetha seith mlẏned neu blisgyn wy gw+
ẏd. Yn ẏ mod hỽnnỽ ẏ telir sarhaet y bren+
hẏn a|uo eistedua ar·benhic danaỽ megẏs
dinefỽr dan vrenhin deheubarth neu aber+
ffraỽ dan vrenhin gỽẏned. Onẏ bẏd eis+
tedua ar·benhic idaw nẏ cheif onẏt gỽar+
thec. breint arglỽẏd dinefỽr ẏỽ kaffel dros
y sarhaet gỽarthec gwẏnnẏon clỽst·goch+
yon kẏmeint ac a aghont ol ẏn ol rỽg Arg+
oel a ỻẏs dinefỽr a|tharỽ vn ỻẏỽ ac wynt
gyt a phob ugeint o·honunt. Nẏ thelir na+
myn ẏ vrenhin dinefỽr neu ẏ vrenhin aber+
fraỽ O dri|mod ẏ serheir y vrenhines pan tor+
her ẏ naỽd drỽẏ lit. neu pan dẏnher peth gan
treis o|e llaỽ. Traẏan gwerth sarhaet bren+
hin a telir ẏ|r vrenhines dros ẏ sarhaet
heb eur a heb aryant. Y brenhin a dẏlẏ|vn
gwr ar pymthec a|thriugeint o|wẏr ar veirch
yn y gedymdeithas nẏt amgen ẏ petỽar
| « p 1r | p 2r » |