LlB Llsgr. Harley 958 – tudalen 3v
Llyfr Blegywryd
3v
hebrỽg ẏ|dẏn hẏt ẏr eglỽẏs nessaf. Naỽd
ẏ bard teulu ẏỽ hebrỽg ẏ|dẏn at ẏ penteu+
lu. Naỽd ẏ gostegỽr ẏỽ o|r ostec kẏntaf a
dotto ẏn|ẏ neuad hẏt ẏ diwethaf. Naỽd ẏ
drẏssaỽr neuad ẏỽ hebrỽg ẏ|dẏn hẏt ẏ vre+
ich a hẏt ẏ wialen parth a porthaỽr kannys
ef a|e herbẏn. Naỽd ẏ porthaỽr ẏỽ cadw
ẏ dẏn ẏ rother naỽd idaỽ hẏt pan del ẏ pen+
teulu trỽẏ ẏ porth parth a|e letẏ. A|e eỻỽg y+
gẏt ac ef ẏ gẏmrẏt naỽd hẏt pan adaỽho
ẏ|dẏn diwethaf ẏ ỻẏs. Naỽd drẏssaỽr y+
staueỻ ẏỽ hebrỽg ẏ dẏn at ẏ porthaỽr
Naỽd morỽẏn y·staueỻ ẏỽ kẏmeint a
naỽd ẏ gwas ẏ·staueỻ ẏ brenhin. Naud
gwastraỽt auỽẏn ẏỽ tra wnel ẏ gof llys
pedeir pedol ac eu to hoelẏon. a|thra pedolho
ammỽs ẏ brenhin. Naỽd ẏ canhỽẏllẏd
ẏỽ o|r pan ennẏnher ẏ ganhỽẏỻ gẏntaf
hẏt pan diffother ẏ diwethaf. Naỽd ẏ
truỻẏat ẏỽ o|r pan dechreuher gwaỻaỽ y
gerỽẏn gẏntaf hẏt pan wallofẏer ẏ diweth+
af. Naỽd ẏ medẏd ẏỽ o|r pan dechreuho pa+
ratoi ẏ gerỽẏn ued hẏt pan darffo ẏ chudẏ+
aỽ. Naỽd ẏ sỽẏdỽr llẏs ẏỽ o|r pan dechreu+
ho rannu ẏ bỽẏt. hẏt pan gaffo ẏ diwethaf
ẏ uỽẏt. Naỽd ẏ coc ẏỽ o|r pan dechreuho
| « p 3r | p 4r » |