Rhydychen, Llsgr. Coleg yr Iesu 119 (Llyfr Ancr Llanddewi Brefi) – tudalen 131v
Breuddwyd Pawl
131v
eneit y baradỽys lle yd oeddynt yr engylyon yn er+
bynnyeit yr eneideu gỽiryon. A gaỽr o leỽenyd a|ro+
dassant val pei vot yr heul ar|lloer ar nef ar day+
ar yn kyffroi. Ac yna lleuein a|oruc y|pechadurye+
it o|r poenev a|dyỽedut trugarhaa vrthym vi+
hagel archangel. A|thitheu ỽynnvydedic paỽl e+
bostol eirolỽch drossom ar duỽ. kanys ni a|ỽdam y
mae trỽy ych gỽedieu chỽi y|kynnhelir y|nef ar
dayar. ỽylỽch chỽithev a ninhev a|ỽylỽn ygyt
a|chỽi yny drugarhao duỽ ỽrthyỽch. Ac yny rodho
duỽ noddua yỽch. A lleu·ein a|oruc y|niuer a oed+
dynt yn|y poenev. a|lleuein a|oruc mihagel a
phaỽl ebostol a millyoed o engylyon ygyt ac ỽynt
yny glyỽit y llef yn|y pedỽeryd nef. yn dyỽedut
arglỽyd grist trugarhaa vrth veibon y dynyon.
Ac yna y gỽelas paỽl y|nef yn kyffroi a duỽ +
ar goron am|y|benn. ar nifer a|oedynt yn|y
vffernn yn gỽeidi ac yn|dyỽedut. trugarhaa vr+
thym vab duỽ byỽ gorvchel. Ac yna y clyỽei ba+
ỽl lef yn|dyỽedut vrthunt. paham na ỽnaeth+
aỽchỽi dim o|r da. Val y|galleỽch erchi benndith
a gorffỽys. Mi a|rodet ar|y|groc ac a|pỽyỽyt yr
hoellon ym dỽylaỽ. Ac a|rodet y|gỽenỽyn ym o|e
yvet. Ac am gỽnanpỽyt ar gỽayỽ. Ac a ymro+
deis vy hvn y anghev yr ych byỽyt chỽi. A|chỽi+
| « p 131r | p 132r » |