Rhydychen, Llsgr. Coleg yr Iesu 119 (Llyfr Ancr Llanddewi Brefi) – tudalen 41r
Ystoria Lucidar
41r
Pa|le y bu babel. yn|y lle y|mae babilon vaỽr yr
aỽr honn. A adeilaỽd semiramis vrenhines o
diglist. A phridgist mal y|gỽrthỽynebei y|tiglist
yr tan. Ar pridgist yr dỽfuyr. Deudec milltir
a|deugein yn|y hyt a|e let a|dyỽedir y vot. A
dec kyfuyt a|deugeint yn teỽet y|mur. A|deu
ỽryt a|deugeint a|chant yn|y vchet. Yn|y dinas
hỽnnỽ gyntaf y|dyỽedir aberthv y geudỽyev.
Ac yno y genir yr anticrist megys y|dyỽedir.
o vabilon yd aa sarff a|lyngko yr holl vyt.
A|e da mynet y garussalem. neu y bererindaỽt
arall. oed gỽell treulyaỽ y|da yd elit ac ef.
vrth anghennogyon. Pỽy|bynnac hagen a elei
yr caryat crist gỽedy kyffessei y holl pechodeu
a|da gantaỽ o|dref y dat e|hun. neu da a|enillei
o|e chỽys a|e lauur. Ac a|uydei ar yr hynt hon+
no ym|plith seint yn kymryt rann oc ev gỽe+
dieu. Ac yn kyt·gyfuran y|da ac ỽynt. neu ac
anghennogyon ereill y|rei hynny a|hoffir.
Ac am wnneuthur kyfuryỽ a hynny y|mo+
let elen. Ac e·doxia. Pỽy|bynnac hagen a|el
y ryỽ le hỽnnỽ yr balchder. neu yr keissaỽ
clot orỽac. llyma y cyfloc a|gyeiff ef. Nyt
amgen. gỽelet lleoed tec. a|chlybot eu ho+
ffi. Pỽy|bynnac hagen a|el y|bererindaỽt.
| « p 40v | p 41v » |