Rhydychen, Llsgr. Coleg yr Iesu 57 – tudalen 124
Llyfr Blegywryd
124
a thri·naỽ ugeint aryant. Gỽerth aelaỽt pen+
kenedyl. nyt amgen no|e gar. yỽ chỽe|bu a chweu+
gein mu gan dri|dyrchafel. Sarhaet disỽyd a|de+
lir o chỽe|bu. a chỽeugeint aryant. Y alanas a
delir o chwe|bu. a chweugein mu gan dri dyrch+
afel. Gỽerth bonhedic canhỽynaỽl yỽ. teir|bu
a thri·naỽ ugein mu gan dri dyrchafel. Y sar+
haet yỽ. teir bu a thrugeint aryant. Os gỽr
breyr vyd bonhedic canhỽynaỽl pan|lader
yng|gorwlat. chwe|bu a|geiff y breyr y gan y
ỻofrud. Kymro vam dat vyd bonhedic can+
hỽynaỽl. heb gaeth. heb aỻtut. heb letach yn+
daỽ. Gỽerth bilein brenhin yỽ. teir|bu a|thri
ugein|mu gan dri dyrchafel. Y sarhaet yỽ.
teir|bu a thrugeint aryant. Galanas bilein
breyr yỽ. hanner galanas bilein brenhin.
ac ueỻy y sarhaet. Galanas aỻtut brenhin
yỽ. teir|bu a|thri ugein mu heb dyrchauel. Y
sarhaet yỽ. teir|bu heb achwanec. Gỽerth aỻ+
tut breyr yỽ. hanner gỽerth aỻtut brenhin.
| « p 123 | p 125 » |