LlGC Llsgr. Llanstephan 27 (Llyfr Coch Talgarth) – tudalen 174r
Gwyrtheu Mair
174r
vo hitheu a|deilyngho yn rydhau ninneu o flam uffern
trỽy y hun mab hi yn harglỽyd ni iessu grist y gỽr yssyd
vyỽ a phyth a vyd byỽ. ac a wlycha gyt a|r tat a|r yspryt
glan trỽy yr oes oessoed heb diwed a heb orffen yn dra+
gywydaỽl poet gỽir a·meN.
T Eophilus gỽr oed ucheluaer ar gyuoeth esgob.
gỽr da o dinas o|cilicia. yr eil vrenhinyaeth o
wlat perspers. gỽr da diweir ehalaeth ỽrth anghenogyon
a gỽedwon ac ymdiueit oed yr esgob hỽnnỽ. a|charedic gan
baỽp. a|r dyd trỽy y|gilyd y leindit a|e grynodeb yn tyfu
yn|eglỽys duỽ. a|e ganmaỽl yn|y bobyl yny oed baỽp yn
kytsynnyaỽ ac ef yn vn ewyỻys o|r|darffei y escob kynnoc
ef. gỽneuthur etholedigaeth anheilỽng. ynteu a|e deleei
ac a|ossodei araỻ a vei deilyngach yn|y le. kanys athro
maỽr y wybot oed. Teophilus hagen kymeint oed yn+
daỽ o angaỽrdeb a gỽrthỽy·nebed ac an·osparth ac nat
ym·arbedei a neb yr y eiryaỽl. ac nat uvudhaei ac na da+
rostyngei yr ovyn neb o|gymeỻ. A phan weles yr esgob
hynny peidaỽ a|oruc ac ef. a|e diot o|e wassanaeth a|dodi
araỻ teilỽng yn|y le. ac yn vugeil yn|ty duỽ. A|gỽedy
urdaỽ hỽnnỽ megys y gnottaei lawer gỽeith y damchỽ+
einaỽ o annoc rei. dodi yr aelodeu yn vch no|r penn. a
diot yr ucheluaer o|e wassanaeth a|e enryded ual yd oed
bryderus a goualus. am y nottaedic urdas a|e wassanaeth
a|e uedyant. Oia duỽ nyt oes dim diogel gan vrat ge+
lynyaeth kythreul. kanys pan daroed y rydhau ef o bry+
der a beich ỻywodraeth y kyuoeth y gaỻyssei ef yn ryd gỽ+
| « p 173v | p 174v » |