LlGC Llsgr. Llanstephan 4 – tudalen 4v
Claddedigaeth Arthur
4v
gỽenhỽyuar y wreic. ac yn is no
hynny eil·weith naỽ troetued y kaf+
fat bed arthur. Y groes honno gỽedy
y thynnu o|r maen a weles ỻawer. a|r
abat yn|y dangos y henri vrenhin.
ac a|darỻeassant y ỻythyr. ac megys
yd oed y groes wedy y ry ansodi a|e chu+
dyaỽ ydan y maen. veỻy yd oed y gro+
es eilchỽyl wedy ry ymchoelut tu y ỻy+
thyr idi ỽrth y maen o anryued ystryỽ
a chywreinrỽyd a|doethineb y dynyon
a|oed yna yn medru ac yn mynnu
cudyaỽ a|dirgelu gỽr kymeint y an+
ryded a hỽnnỽ. ac eu harglỽyd ỽynteu
a|seilyaỽdyr pennaduraf y ỻe hỽnnỽ.
ac yn bennaf oỻ o achaỽs kynnỽryf y
ryuel a|oed arnunt. Eissyoes gỽedy
hedychei ar y ỻe hỽnnỽ eilweith. ual
y keffit manac ar ved arthur. y gosso+
dassant ỽy y groes a|r ỻythyr yndi
val|hynny. ac yn gỽbyl megys y dyỽ+
edassei y brenhin y caffat corf arthur.
Nyt y|myỽn marmor megys y gỽed ̷+
ei y vrenhin kymeint y anryded a
hỽnnỽ. nyt y|myỽn ysgrin o vaen nad
na maen glas. namyn y|myỽn dryỻ
dar gỽedy ry geuaỽ. a|hynny o vn
| « p 4r | p 5r » |