LlGC Llsgr. 3035 (Mostyn 116) – tudalen 106v
Brut y Brenhinoedd
106v
a| wnathoedic* yn ynys a·vaỻach. Gleif a deckaaỽd y
deheu ef yr hỽnn a elwit Ron. vchel oed hỽnnỽ a
ỻydan ac adas y aerua. Ac odyna gỽedy lunyaeth
y bydinoed o pop parth. Y| saesson yn herwẏd eu de+
faỽt. kyrchu yn leỽ a| wnaethant Ac ar hyt y dyd
yn ỽraỽl gỽrthỽynebu y| r brytanyeit. Ac o| r diwed
gỽedy trossi yr heul ar y| dygỽydedigaeth. Achubeit
mynyd maỽr a| oed yn agos vdunt a wnaeth y| sa+
eson A chynal hỽnỽ yn ỻe casteỻ vdunt A| chan ̷
ymdiret yn amylder eu nifer. tybygu bot yn dogyn
vdunt o gedernyt y| mynyd. A gỽedy dỽyn o| r heul
y| dyd araỻ rac ỽyneb. Arthur a| e lu a eskynaỽd
pen y| mynyd Ac eissoes ỻawer o| e wyr a goỻes ef
kanys haỽs oed y| r saesson o| pen y mynyd ar·gy+
wedu y| r brytanyeit yg| gỽrthỽynebu o| r mynyd
argywedu y| r saesson Ac o| r diwed gan vỽyhau
grym a| ỻafur gỽedy kaffel o| r brytanyeit pen y| my+
nyd yn| y ỻe ỽynt a dan·gossassant eu deheuoed y| r
saesson Ac yn erbyn hyny y| saesson yn ỽraỽl a| os+
sodassant eu bronoed yn eu gỽrthỽyneb ỽynteu
Ac oc eu hoỻ an·gerd ym·gynhal yn eu herbyn
A| gỽedy treulaỽ ỻawer o| r dyd y·veỻy. ỻityaỽ a| o+
ruc arthur rac hỽyret y gỽelei y vudugolyaeth
yn dyfot idaỽ Ac ar hyny noethi caletuỽlch a| oruc
a galỽ enỽ yr arglỽydes veir Ac o vuan ruthur
kyrchu a oruc y| ỻe teỽaf y gỽelei vydinoed y saes+
son A| phỽy bynac a gyfarffei ac ef gan alỽ duỽ
duỽ o vn dyrnaỽt y ỻadei Ac ny orffoỽyssaỽd ar+
thur o| r ruthẏr hono hyt pan ladaỽd a| chaletuỽlch
e| hun trugein wyr a| phetwar| chanỽr* A gỽedy gỽe+
| « p 106r | p 107r » |