LlGC Llsgr. 3035 (Mostyn 116) – tudalen 10v
Ystoria Dared
10v
yn dywyssaỽc vdunt yr hỽn a|dathoed y droea ygyt a|r
gỽyr a|dathoedynt yn|y ỻog a|elwit argo odyno y|deuth
ef y|r tir a|e lyges y|r kasteỻ a elwit leibeus yr hỽnn
a oed dan amherodraeth priaf vrenhin. ac ymlad a|wna+
ethant a gỽedy kael y ỻe ac eu han·reith kerdet racdunt a
wnaethant ỽy a dyuot y|r ynys a|elwir tenedum ac y|deu+
thant hỽy y·gyt. ac yno y ranaỽd agamemnon yr anreith
a galỽ y|tywyssogyon yn|y gygor a|wnaeth ef. ac odyno
anuon kenadeu at briaf y ỽybot a vynei ef eturyt elen
a|r anreith a|dugassei alexander a|r kanadeu a|etholet. Nyd
amgen Diomedes ac illuxes y vynet at briaf a|phan ytoed
y|kenadeu yn vuydhau y orchygarch agamemnon anuon
a|wnaethpỽyt achil y anreithaỽ y|wlat a|elwit moesia ac
at teuffras vrenhin y|deuthant ac anreith a|gymerassant
ỽy a|theufras a deuth yn|y herbẏn a ỻu maỽr gantaỽ ac
achil a yrraỽd fo ar y|ỻu hỽnỽ ac a|e brathaỽd ynteu
ac yna telepus wedy y vỽrỽ ef y|r ỻaỽr a|e hamdiffyn+
ỽys rac y|lad o achil y goffau y|drỽydet a|gaỽssei ef ac
ef yn vab y·gyt ac erkỽlf y dat yn ỻys deufras cof+
fau heuyt a|wnaeth ry lad o ercỽlf diomedes vrenhin
creulaỽn yr hỽn a|oed yn ryfelu yn yr amser hỽnỽ ar+
naỽ ef ac yr rodi yr hoỻ vrenhinyaeth y deufras ac
ỽrth hynẏ bot telepus vab erkỽlf yn rodi kanhorthỽy
idaỽ. ac yna y gỽybu teuffras ual a na aỻei fo rac
ageu o|r brath a|rodassei achil idaỽ ac ef yn uyỽ ef a
rodes y|brenhinyaeth ar wlat a elwit boisia y|telepus
a|gỽedy marỽ y brenhin telepus a beris y|gladu yn
anrydedus ac achil ỽrth hẏnẏ a anoges y telepus
ynteu yn kynal y vrenhin newyd yn|da ac ynteu a|dy+
waỽt yna ỽrth achil bot yn nerthach y|r ỻu o|r byd ̷ ̷
| « p 10r | p 11r » |