LlGC Llsgr. 3035 (Mostyn 116) – tudalen 122v
Brut y Brenhinoedd
122v
o| r rei a damunyt y eu dangos y| r brenhin Ac o| r diwed
gỽedy gỽneuthur ỻawer o berigleu a drỽc onadunt
y rufeinwyr brytanyeit ỽynt a ymchoelassant y eu pebyỻeu a| r
karcharoryon ac a| r yspeileu A chan lewenyd ỽy·nt a
dan·gossasant petrius a| r karcharoryon ereiỻ gyt ac
ef y arthur Ac ynteu a| diolches vdunt gan dirua+
ỽr lewenyd eu ỻafur ac eu gỽassanaeth yn| y aỽs+
sen ef gan adaỽ achwaneckau eu hanryded ac eu
kyfoeth am eu miỻỽryaeth ac eu molyant Ac yna
yd erchis y brenhin mynet a| r karcharoryon hyt
ym| pharis y eu kadỽ tra gymherit kygor ymdana+
dynt Ac yd erchis arthur y| gadỽr jarỻ kernyỽ a bed+
wyr. a| rickart a| bosel ac eu teuluoed y·gyt ac ỽynt.
eu hebrỽg hyt pan elhynt yn diogel rac ofyn tỽyỻ
A r| rufeinwyr y| nos honno [ y| rufeinwyr ~
gỽedy kaffel onadunt gỽybot y| darpar hỽnnỽ
a| etholassant pymthegmil o| wyr aruaỽc ac a| e
eỻygassant hyt nos y ragot y| ford y| tebygynt eu my+
net trannoeth y| geissaỽ eu rydhau Ac yn| tywyssogy+
on ar y rei hyny y gossodet vltei. a chadeỻ a chwintus
senedỽr Ac efander vrenhin siria A sertor vrenhin libia
A| r rei hyny oỻ a| gymerassant eu hynt hyt pan gaỽs+
sant y| ỻe a vei adas gantunt y lechu Ac yno arhos
y| dyd arnadunt A| r bore trannoeth kymryt eu ford
a| wnaeth y brytanyeit ac eu karcharoryon parth a
pharis Ac val yd oedynt yn dyfot yn gyfagos y| r ỻe
yd| oed y pyt y|gan eu gelynyon arnadunt. Ac ỽynteu
heb ỽybot dim o| r vrat na| e thybyaỽ. Yn dirybud
eu kyrchu o| r rufeinwẏr a| dechreu eu gỽasgaru a
mynet drostunt. Ac eissoes kyt delit vdunt yn| diry+
| « p 122r | p 123r » |