LlGC Llsgr. Peniarth 11 – tudalen 105v
Ystoriau Saint Greal
105v
wyneb yn gyn gochet a phei atuei yn varwar oỻ. A gỽedy
y vot ef yn|y dangos ueỻy. ef a roes y delỽ honno yn|y blỽch
o|r ỻe y tynnassei drachevyn ~ ~ ~
G wedy daruot y Josep wneuthur kymeint ac a|berthy+
nei y wr da ar yr offeren y wneuthur. yna ef a|doeth att
galaath ac a|roes cussan idaỽ. ac a|erchis idaỽ ynteu wneu+
thur ueỻy a|e gedymdeithyon. ac ueỻy y goruc ef. A|gỽedy dar+
uot hynny Josep a|dywaỽt. marchogyon iessu grist heb ef. y
rei a|dryuaelyaỽd ỻawer yr gỽelet peth o ryuedaỽt seint greal.
eistedỽch geyr bronn y tabyl hỽnn yman. a|chỽi a geffỽch a+
ỽch gỽassanaethu o|r ysprydaỽl vỽyt. a|hynny o|laỽ aỽch arglỽ+
yd chỽi iessu grist. ual y gaỻỽch dywedut mae da y talwyt y+
ỽch aỽch kyfloc yn|ỻe aỽch ỻauur. kanys ny chafas marcho+
gyon urdolyon y gyfryỽ na chynt na|gỽedy. A gỽedy daruot y
Josep dywedut hynny. ef a|difflannaỽd y ganthunt heb wybot
onadunt ỽy beth a|daroed idaỽ. Ac yna eisted a|orugant ỽy
geyr bronn y tabyl ac wylaỽ o lewenyd. a|megys y bydynt ỽy
yn eisted ueỻy. ỽynt a|welynt o|r racwerthvaỽr lestyr yn|dyuot
gỽr a|e dwylaỽ yn waetlyt. a|e|draet a|e gorff heuyt yn ỻaỽn gỽ+
aet. Ac yr|aỽr y doeth ef a|dywaỽt. vy marchogyon i a|m|kywi+
rion y rei yn|y uarwaỽl vuched honn a|aethant yn yspryda+
ỽl. chỽi a|m keissyassaỽch i val na aỻaf ymgelu mỽy ragoch.
ac am hynny mi a|ymdangossaf y chỽitheu beth o|m|dirge+
ledigaethev|inneu. kanys chỽi a|eistedassaỽch ar|vy|mỽrd i
ỻe nyt eistedaỽd dyn eiryoet yr yn|oes iosep o|arimathia;
Yr hynny ual|kynt ỻaỽer gỽr da a|doeth y|r|ỻys yman ac a
| « p 105r | p 106r » |