LlGC Llsgr. Peniarth 11 – tudalen 268r

glywei diaspat y vorwyn yr honn a|oed myỽn glynn maỽr

yn|y ỻe yd oed ffos y seirff. a hitheu yn erchi y naỽd ef. a|r mar+

chaỽc a|oed yn roi dyrnodeu mynych idi a|r ysgỽrs am y bot

yn criaỽ yn uchel. Paredur heb ym·aros mỽy a|doeth tu|ac

attunt. ac yr aỽr y gỽeles hi baredur   hi a|e hadnabu. ac

a erchis idaỽ yr duỽ y chanhorthỽyaỽ.  dan dywedut.

arglỽyd ti a|roeist ym vyng|kasteỻ. yr hỽnn   a duc y gỽr

yman y gennyf. ac y|mae   yn keissyaỽ dỽyn vy ene+

it heuyt y gennyf. Y marchaỽc ar hynt yr aỽr y gỽeles ef ba+

redur a adnabu y march a|oed y·danaỽ. ac a|dywaỽt. Tydi

uarchaỽc heb ef y march hỽnnỽ a vu eidaỽ y marchaỽc coch

o|r fforest dovyn y gỽr a|vu arglỽyd arnaf|i. ac yr aỽr·honn y

gỽnn i panyỽ tydi a|e ỻadaỽd ef. Ef a|r aỻei heb·y paredur

mae gỽir a dywedy di. ac ynteu a|haedaỽd y lad. kanys ynteu

a dorassei benn vyng|kevynderỽ i. Myn vym|penn i heb y

marchaỽc kanys tydi a|e ỻadaỽd ef. ỻyma vinneu yn|elyn ytt.

a chiliaỽ dra|e|gevyn a|oruc yr dyuot att paredur. a|pharedur

attaỽ ynteu. ac ymgyhỽrd a|orugant o nerth traet eu me+

irch. a pharedur a drewis y marchaỽc yny vyd dros bedrein y

uarch y|r ỻaỽr. ac ar y kỽymp hỽnnỽ torri y esgeir hyt na

aỻei ymdroi yn|y ỻe yr|oed. Paredur a|disgynnaỽd ac a|doeth

parth ac attaỽ. a|r marchaỽc a|erchis y naỽd na|s ỻadei. A

pharedur a|dywaỽt nat oed reit idaỽ un ovyn y varỽ yno. Eis+

syoes y kyfryỽ angheu ac a|vynnassut ti y wneuthur y|r