LlGC Llsgr. Peniarth 11 – tudalen 2r

ynnaỽd racdaỽ ef a|e gefynderỽ a marchogaeth a|wnaethyant

yny doethant y lys arthur. ac neur athoed arthur yna y|r eglỽys

ef a|e varỽnyeit y warandaỽ yr offeren uaỽr. disgyn a|wnaethant

a|dyuot y|r neuad. Ac yna ymdidan a|wnaeth˄yant am y mab a ry wna+

thoed laỽnslot ef yn varchaỽc urdaỽl. a bỽrt a|dywaỽt na welas

eiryoet dyn debygach y laỽnslot noc ef. ac ny thebygaf|i heb ef

na|bo galaath vo ef yr hỽnn a|anet o verch brenhin peles. Myn

vyng|cret heb y lionel mi a|debygaf mae euo yttiỽ. Ac ueỻy ymdi+

dan a|wnaethant ỽy y edrych beth a|dywedei lawnslot. Eissyoes

y|r parabyl a|dywedynt ỽy nyt attebaỽd laỽnslot. Ac yna tewi a|oru+

gant am y defnyd hỽnnỽ. a|dyuot y edrych eisteuaeu y bort g˄ronn.

a|chaffael a|ỽnaethant ỽy bop eistedua gỽedy ysgriuennv henỽ

y neb bioed ym pob eistedua. Ac ueỻy mynet a|orugant yny doe+

thant y|r eistedua beriglus. ac yno ỽynt a|welsant ỻythyr newyd

wneuthur. a|r rei o|r ỻythyr a|oedynt yn dywedut. yr pan|diodefaỽd

crist ar|brenn y groc neur gỽplawyt pedeir blyned ar dec a deu+

geint a|phedwar|cant. a|duỽ sulgỽyn y|dyly yr eistedua honn

gaffael y meistyr. Myn vyng|cret heb ỽy weldy yma antur ry+

ued. Myn enỽ duỽ heb y laỽnslot. pỽy|bynnac a|vynnei gyfrif

ef a|gaffei herwyd iaỽn gyfrif mae hediỽ yỽ y sulgỽyn nessaf

gỽedy pedeir blyned ar|dec a|deugeint a|phedwar|cant o|oet iessu

grist herwyd proffỽydolyaeth vyrdin yr hỽnn a|wnaeth yr|eistedua

honn. ac a|dywaỽt nat eistedei neb yndi yny delei vn a|hynny

vydei duỽ sulgỽyn nessaf gỽedy pedeir blyned ar|dec a deugeint

a|phedỽar|cant. A|phỽy|bynnac a|eistedei yndi yna ef a|dywaỽt

y kaffei y angheu. a|gỽir vu hynny. kanys pob dyn o|r a|eisted+

aỽd