LlGC Llsgr. Peniarth 12 rhan ii – tudalen 50v
Ystoria Lucidar
50v
o bop pechaỽt ual y gilyd. teilỽng yỽ rỽymaỽ pob aelaỽt ud+
unt ỽynteu a|chadỽyneu tanỻyt yno. ac ỽynt a|damunant
angeu ac angeu a|ffy racdunt. discipulus Pa delw y gossodir ỽynt
yno. Magister ac eu penneu y waeret. a hynny a geuyneu ar eu
traet y|vyny. a|phoeneu o|bop parth udunt ac yn|eu kylch.
discipulus Och eni dyn eirioet gan y boeni ueỻy. Magister Beth a|wyly
di beth a|lyngky dy dagreu. diaỽl e|hun a|e aelodeu a|diodef+
ant hynny. discipulus Pa|rei ynt ỽy y aelodeu ef. Magister Y rei beilch. a|r
rei kynghorvynnus. a|r tỽyỻwyr. a|r rei anghywyir. a|r
rei glỽth. a|r medweint. a|r godyon. a|r rei a|lado kalaned. a|r
rei creulaỽn. a|r rei ffyrnic. a|r herwyr a|r ỻadron. a|r rei bu+
dyr. a|r kebydyon. a|r rei a|dorro eu priodasseu. a|r rei geu+
aỽc. a|r rei annudonaỽl. a|r gỽatwarwyr. a|r goganwyr. a|r
anuunyeit. a|r kayntachwyr. O|r godiwedir ỽynt yn|y pyng+
keu hynny. ỽynt a|ant y|r poeneu a|dywetpỽyt uchot. heb
ymchoelut vyth drachevyn. discipulus Och a|wyl y rei gỽirion ỽ+
ynteu yno. Magister Y rei gỽirion a|welant y rei drỽc yn|y poenev
megys y|bo mỽy eu|ỻewenyd am|eu|diangk. Y rei drỽc kynn
dyd·braỽt a|welant y rei gỽirion yn eu gogoneant megys
y bo mỽy eu dolur. ac am ebryfygu ohonunt gỽneuthur y da.
Gwedy dyd·braỽt y rei da a|wyl y rei drỽc yn|y poeneu. y rei
drỽc hagen ny welant ỽy y rei da o hynny aỻan vyth. discipulus
a dolurya y rei gỽirion o welet eu poeni ỽynt ueỻy Magister Kyt
gỽelo y mab y tat. neu y tat y mab yn|y poeneu. neu y vam
y verch. neu y verch y vam. neu y gỽr y wreic. neu y|wreic
y gỽr. ny doluryant. namyn digrif vyd ganthunt eu gỽe+
let. ual y mae digrif gennym ninneu welet y pysgaỽt yn|y
donn.
| « p 50r | p 51r » |