LlGC Llsgr. Peniarth 190 – tudalen 81
Ystoria Lucidar
81
Magister|OS pechaỽt hynny weithyon herwyd an+
yan. paham y kymerth vym braỽt i vyg
kares i. a|e gares ynteu. ỽrth hynny herw+
yd annyan nyt oes yno bechaỽt. herỽyd
gossotyat yr eglỽys hagen y mae yn orth+
rỽm. ny|s|dylyaf. discipulus Pa delỽ y gỽaherdir kym+
ryt y mameu bedyd. neu y merchet bedyd.
Magister Megys y dywetpỽyt uchot gynneu.
herỽyd anyan nyt pechaỽt. namyn herỽ ̷+
yd gỽahard. megys y mae dy vam di yn
uam y|th vab herỽyd knaỽt. veỻy y mae
yr|honn a|e kymerth ef o|r|dỽfyr bedyd yn
vam idaỽ herỽyd yspryt. ac ueỻy y mae
honno yn chwaer y|th wreic di a|th verch ve+
dyd a uyd chwaer y|th uerch ditheu. ac ueỻy
o drychefy ditheu verch y araỻ. ti a vydy
vraỽt o|e that. ac veỻy nyt kannyat y neb
kymryt y dwy chwioryd. nac y wreic kym+
ryt y deu vroder. ac ueỻy drỽy rinwed e+
glỽyssic y gỽaherdir y kyffelyb priodas
honno yn gỽbyl ac yn hoỻaỽl. ~ ~ ~ ~ Discipulus.
| « p 80 | p 82 » |