LlGC Llsgr. Peniarth 33 – tudalen 102
Llyfr Blegywryd
102
a|ỻeegẏon hẏnnẏ vo amser ẏ dat+
kanu; nẏ|dẏchaỽn ef datkanu
barn trỽẏ gẏureith. trỽẏ ẏr hỽ ̷+
nn ẏ poenir pob braỽdỽr a|rotho
cam varn os kadatarna* trỽẏ|w+
ẏstẏl Tri gỽrthỽẏneb ẏssẏd;
adef. a|gỽat ac amdiffẏnn. nẏt
cvbẏl vn gvat hẏnnẏ talher cv ̷+
bẏl reith a|berthẏno vrth ẏ|dadẏl
na|llỽ vn dẏn. na|llỽ lliaỽs. lle ẏ
perthẏno reith gỽlat. ẏno ẏ|dẏ+
lẏ ẏ brenhin gẏmell reithwẏr.
ẏ|greir ẏ|tẏgu ẏn dẏlẏedus gẏt
a|r gỽadur neu ẏnn|ẏ erbẏn. ar
eu dewis Reith gỽlat ẏỽ. llỽ
deg wẏr a deugeint o|wẏr tirẏaỽc
dan ẏ|brenhin. ẏ|lle nẏ pher+
thẏno reith gỽlat; ẏno ẏ|dẏlẏ
ẏ|guadur keissaỽ reithwẏr trỽẏ+
daỽ e|hun val ẏ|barner. Nẏt
cỽbẏl vn amdiffẏnn ac nẏt pa+
lledic hẏnnẏ el deturẏt ẏmdanaỽ
rỽg ẏr haỽlỽr a|r amdiffẏnnỽr gan
tẏgu ẏn dẏlẏedus ẏ|vot ẏn wir.
| « p 101 | p 103 » |