LlGC Llsgr. Peniarth 35 – tudalen 79r
Llyfr Iorwerth
79r
y byd terwenyd y gwarthec prouadỽy. ~ ~
Nyt iaỽn daly y teirỽ o aỽst hyt vyl ueir
gyntaf Canys yna y| byd terwenyd y kyn+
fflithed. [ Nyt iaỽn daly tarỽ un amser
yn ol buỽch terwenyd. [ Nyt iaỽn
daly beid un amser yn mochyrya. Ny
dylyir daly meherin na bycheu o ỽyl ui+
hangel hyt kalan gayaf. Ny dylyir
daly yr ystalỽyneit o hanher ebrill hyt
hanher meheuin. Ny dylyir daly ebaỽl yn
ol y uam a| hỽnnỽ a| elwir saeth ebaỽl. Ny
dylyir daly moch ar yt Ony cheffir yn
ysgubaỽr neu ar weirglaỽd O ỽyl ieuan
hyt kalan. Pvy| bynhac a uynho gwe+
irglaỽd. Katwet o vyl padric hyt kalan
gayaf. Sef yỽ gweirglaỽd tir diuỽyny+
ant namyn y weir a chlaỽd yn| y kylch. sef
paham y ketwir hyt kalan gayaf. vrth
dylyu y llad dỽy weith yn| y ulỽydyn. Pvy
bynhac a gaffo ysgrybyl ar y ryỽ tir hỽn+
nỽ ar ryỽ gweirglaỽd honno kymeret
o·honi ual o|r yt. Ac Ony cheffir arnei
ny dylyir diuỽyn llỽgyr am wellt. Pvy
bynhac a wnel kae yg kylch y yt. Daly*+
| « p 78v | p 79v » |