LlGC Llsgr. Peniarth 36A – tudalen 26r
Llyfr Blegywryd
26r
talet idaỽ teir bu camlỽrỽ kyny chym ̷+
ryt attaỽ trachefyn. Or ysgar gỽr ae
wreic gyfreithaỽl a hi yn veichaỽc; or
dyd yd yscarhont y kyfrifir idi amser
y vagu yr etiued a uo yndi yna. kanys
herwyd y gyfreith hon. blỽydyn a hanher
y mac y vam ef. A gỽedy hynny nys
mac dim. Os tỽyll·vorỽyn a geffir heb
wat. y chrys a torrir tu rocdi ae thrachef ̷+
yn. Ac odyna y gỽr a dyry idi enderic
gỽedy iraỽ y loscỽrn ac or dichaỽn hi y
attal herwyd y loscỽrn kymeret yn| y he ̷+
gỽedi. Or lledir gỽr gỽreigaỽc y sarhaet
a telir yn gyntaf. ac odyna y werth. tra+
yan y sarhaet hagen a geiff y wreic. Or
a merch breyr gan ỽr yn llathrut oe
bod. pan atter. sef vyd y hegỽedi. whech
eidon kyhyt eu kyrn ac eu hyscyfarn.
y verch tayaỽc or kyfryỽ dadyl. tri eidon
kyfoet ac ỽynt ar rei hynny a telir. Gỽreic gỽr ryd
a dichaỽn rodi y mantell ae chrys ae
phenlliein. ae blaỽt ae chaỽs. ae he+
| « p 25v | p 26v » |