LlGC Llsgr. Peniarth 37 – tudalen 13v
Llyfr Cyfnerth
13v
gan yn| y neuad Canys y penkerd a dech+
reu. Eil nessaf yr penteulu uyd. Te+
lyn a| geiff gan y brenin. A modrỽy eur
y gan y urenhines pan ỽystler y sỽyd
idaỽ. y telyn nyt a byth y ỽrthaỽ nac
yr gwerth nac yr gobyr yny uo marỽ.
O·d|a dryssaỽr neuad mỽy Breint. dryssaỽr
no hyt y ureich ae wialen neuad.
y ỽrth y drỽs wedy yd el y brenin. yr ne+
uad; kyt sarhaer yno ny diwygir i+
daỽ. O llud y dryssaỽr neur porthaỽr
un or sỽydogyon gan y ỽybot pan uyn+
ho dyuot y myỽn Talet tri buhyn
camlỽrỽ yr brenin. yn deudyblyc a phe+
deir. keinaỽc. yr sỽydaỽc os penadur uyd.
Y distein ar gwalloueit a| dygant y
wirodeu y lestyr y dryssaỽr. y drys+
saỽr a geidỽ crỽyn y gwarthec or
| « p 13r | p 14r » |