LlGC Llsgr. Peniarth 38 – tudalen 11r
Llyfr Blegywryd
11r
a|r haỽlỽr hyt yn niogel. neu talet y dylyet..
Na chymeret neb gafel y talaỽdyr. onyt
y mach a|e dyry. K·yt el mach dros talu;
na|thalet hynny pallo y talaỽdyr. ac ny
byd palledic ynteu tra safho ỽrth gyfreith.
kany bo idaỽ onyt tri thudedyn; ef a|dyly
talu y deu. a chynhal y trydyd pop amser.
Mach a ỽatto y vechni; gỽadet ar y seith ̷+
uet o|r dynyon nessaf y ỽerth. ac os bri·duỽ
a ỽatta; e|hunan a|tỽg vch pen seith allaỽr
kyssegyr. neu seith ỽeith ar yr vn allaỽr.
Os y mach a ỽatta ran o|e vechni. ac ad ̷ ̷+
ef ran arall. ef e|hunan vnỽeith a|tỽg.
Os y talaỽdyr a ỽatta y mach; gỽadet
ar y seithuet o|r dynyon nessaf y ỽerth.
Pỽy|bynhac a brynho da y gan arall.
ac a vo mach e|hunan ar y gỽerth. a|e ̷ ̷
varỽ kyn talu; ac adaỽ y da gan y gyt+
ymdeithon. yr haỽlỽr a dyly tal o|r da hỽ+
| « p 10v | p 11v » |