LlGC Llsgr. Peniarth 38 – tudalen 29r
Llyfr Blegywryd
29r
el ef y gyfreith y vot yn iach. brenhin bieu dayar.
ac ny|dyly keitỽat vot drosti O r dỽc dyn da
ar geitỽat y gadỽ; a|cholli peth o|r da. a bot ym+
daeru rỽg y perchennaỽc y da a|r keitỽat ymd+
anaỽ. y keitỽat bieu tygu a|r vn dyn nessaf idaỽ
gyt ac ef os peth a|ỽatta a|pheth a adef. O|r gỽat+
ta neb adneu a rodho dyn yn|y laỽ y gadỽ. neu
torr ty; rodet reith deu·dyblic. megys y|mae am
veich kefyn; llỽ degỽyr. neu pỽn march o adneu.
llỽ petỽar gỽyr ar|hugeint. T* taeogeu a|dylyant
iaỽnhau y kameu a|ỽnel eu meibyon hyny uỽynt
pedeir|blỽyd ar dec. ac yna eu tadeu a|dylyant eu
gorchymmyn y|r brenhin. O yth* pynuarch bren+
hin ynt. Mor. a|diffeith brenhin. ac ychenaỽc di+
atlam yn kerdet tir y brenhin. a lleidyr. a|marỽty
dyn a vo marỽ o agheu deissyfyt. brenhin bieu
ran y marỽ oll o|r da. ac ny dyly dim o ran y|ỽreic
a|r meibon. Ebediỽ. a dirỽy. a|chamlỽrỽ. V·n
dyn ny dyly y|ty y vot yn varỽty. kyn bo marỽ
ef heb gymmyn; ygna* llys. Braỽtỽr a|dyly gỽa+
| « p 28v | p 29v » |