LlGC Llsgr. Peniarth 46 – tudalen 287
Brut y Brenhinoedd
287
haf archescop yn. ynys. prydein. a legat gann bap ru+
uein. ac y am hynny tyỽyssogyon bonhedic.
nyt amgen. Morud iarll caer loeỽ. Mor iarll
caer wyragon. anaraỽt o amỽythic. Mar+
thrud o ỽarỽic. Oỽein o gaer lleon. Kynn+
uarch o gaer geint. Vryen o|gaer uadon. Boso
o ryt ychen. Dunaỽt uap pabo post prydein.
Gruffud uap nogoet. Peredur uap prud. kyn+
gar uap angan. Masken uap clotuaỽt. Run
ap noethoen. kynnuelyn ap trunyat. Cary+
el ap cadell. ac ygyt a|hynny llaỽer o|ỽyrda
oed ry|hir y datkanu. ac o|r ynyssyd y|doetho+
ed gillamỽri brenhin iỽerdon. Gillamỽri
urenhin. islont. Doldan urenhin. godlont. Gỽinỽas
urenhin. orc. lleu ap kynuarch urenhin llychlyn.
Echel urenhin. denmarc. ac o|freinc y dothoe ̷ ̷+
dynt hodlyn tyỽyssaỽc rỽytỽn. Lodgar tyỽ ̷ ̷+
yssaỽc bolỽyn. Betỽyr penntrullyat tyỽ ̷+
yssaỽc normandi. Kei penn sỽydỽr arthur. tyỽ+
yssaỽc angỽy. Gỽittart tyỽyssaỽc peitaỽ.
y|deudec gogyuurd o|freinc. a|gereint garan+
ỽys oc eu blaen. Hyỽel ap emyr llydaỽ. a
llaỽer o|ỽyrda heuyt. a|chymeint o adurn
| « p 286 | p 288 » |