LlGC Llsgr. Peniarth 9 – tudalen 32v
Ystoria Carolo Magno: Chronicl Turpin
32v
eu riuedi oed pedeir mil. Ac yna y llas march
charlys. A gỽedy gỽarsagu charlys o gedern+
it y paganyeit gan alỽ ganỽrthỽ* yr holl gy+
uoethaỽc kymryt y nerth. ac ef a|y luoed yn
llaỽ cadarn y lladaỽt llawer o·nadunt ar y
droet. A gỽedy na allassant diodef y vrỽydyr
wedy eu blinaỽ ffo yr gaer. Ac eu hymlit a
oruc charlys a damgylchynu y gaer eithyr
a oed y am yr auon. Ac y·niwed y nos y ffoes
aigoland a|e luoed drỽy yr auon. Ac eu hym+
lit hỽynteu a oruc charlys pan y gỽybu. Ac
y lladaỽt deu vrenhin o·nadunt a llawer o
baganneit ygkylch pedeir mil.
AC yna y ffoes aigoland drỽy byrth ciser.
ac y doeth hyt ym pampilon. a oruc ar char+
lys y erchi idaỽ dyuot yno y ymlad ac ef. A
phan gigleu charlys hyny ymhoylut a oruc
y ffreinc a chan yr amgeled mỽyaf kynnullaỽ
llu ffreinc ar hyt ac ar llet yn llỽyraf ac y
gallỽys a rodi rydit a oruc y baỽp o|r a uei dan
geithiwet yn ffreinc. ac eu hetiued rac llaỽ ac
eu|gỽneuthur yn rydyon yn dragywyd hyt
na bei geithiwet ar dyn o ffreinc o|r dyd hỽnnỽ
allan. A chynnull paỽb gantaỽ yr yspayn y
ỽrthlad kenedyl y paganeit. A gauas o garch*+
ororyon hyny a rydhaỽys. Ar achenogyon a
verthoges. rei noethon a wiscỽys. yr herwyr
a dagnouedỽys. Ar dylyedogyon a wahodes
ar eu dylyet. Yr ysweineit ac a uei ar·ueu ud+
| « p 32r | p 33r » |