Rhydychen, Llsgr. Rawlinson B 467 – tudalen 82v
Meddyginiaethau
82v
Rac corn·vẏt. Kẏmer lẏsseỽẏn ieuan a|blonec tỽrch
neu vlonec caprỽn. a|llẏngher a|briỽ wẏnt
igẏt a dot ar|ẏ|dolur a iach vẏd. Rac pisso gỽ+
aet. Kẏmer lẏsseỽẏn. a|elỽir wodrw ac ẏf igẏt
a gỽin tỽẏm. neu igẏt a|chỽrẏf tỽẏm. a iach. vyd.
I attal pisso. Kẏmer anghelled moch a|ỻosk a
gỽna bỽdẏr o·honunt a|dẏro iddaỽ ẏn|i vỽẏt
ac ẏn|i ddiaỽt. Rac ẏr ic. Kẏmer win. a|rut.
a|phẏpẏr. a|chẏmẏsk wẏnt igẏt a|chỽrỽ a
dẏro iddaỽ o|ẏ ẏfet. Rac ẏssic meỽn eỽin.
Kẏmer vlaỽt gỽenith a mel. a|chẏmẏsk igẏt
a dot arnaỽ a da ẏỽ. I wneuthur danned ẏn
wẏnnẏon. Kẏmer geinghenneu o|r gỽinỽẏd a
llosk ẏn lo ac a|r glo hỽnnỽ rugẏl dẏ|ddanned.
Rac anadẏl brỽnt. Kẏmer sud ẏ|mint. a sud
y rut a|dot meỽn dẏ|ffroeneu. kanẏs cadarn+
[ hau
| « p 82r | p 83r » |