Rhydychen, Llsgr. Rawlinson B 467 – tudalen 86v
Meddyginiaethau
86v
blonec gỽẏddeu a|blonec ieir a thaỽd wẏnt
a|dot ẏ uis ygẏt ac ef ac ir dẏ|lẏgeit I beri dẏ+
wedut o|deruẏd i|ddẏn goỻi i |barabẏl. Kẏmer
sud ẏ|sayge neu sud ẏ briaỻu a|dot ẏn|i eneu.
Rac chỽẏdu gỽaet. Kẏmer ẏ|mint a|r rut a|r be+
toẏn a|berỽ ẏn|dda meỽn llaeth a dẏro i|r claf
Rac gỽenỽẏn. Kẏmer ẏ|betoẏn a|sẏch wẏnt a
gỽna bỽdyr a|chẏmer o|r pỽdẏr hỽnnỽ ddỽẏ+
weith rỽng penn dy ddeu|vys a|dot deir llỽẏe+
it o win igẏt ac ef. a|berỽ hẏt pan el ẏ|drẏ+
ded rann ẏn|ẏ berỽ ac wedẏ hẏnnẏ ẏf ef ẏn
ẏmprydẏaỽl Rac anadyl brỽnt. Kẏmer
sud ẏ|mintan coch a sud y rut gẏmeint o bob
vn ac o|ẏ|gilẏd a dot yn froeneu a gat iddaỽ
weitho ẏno Rac ẏ|ddanoed a|r prẏfet a|vo
ẏndunt a rac ẏ|gỽeỽyr a|vo ẏndunt. Kẏmer
| « p 86r | p 87r » |