Llsgr. Bodorgan – tudalen 127
Llyfr Cyfnerth
127
ystyl yn erbyn braỽt gỽedy y godef. onyt
braỽt tremyc vyd. Neu adaỽ ymadraỽd
yn wallus ar gyfreith a barn. A gỽedy barn
keissaỽ gỽaret y gỽall. nys dyly. O|r a haỽ ̷+
lỽr neu amdiffynnỽr yn erbyn datgan
y braỽdỽr kyn barn. Ef a dyly kaffel cof
llys y rydaỽ ac ef kyn barnho dim. Tri
pheth a dyly braỽtỽr y datganu pan varnho
haỽl. Ac atteb. a barn.
TRi ryỽ atteb yssyd yn dadleu. Adef. neu
wat. neu amdiffyn. Nyt digaỽn vn
gỽat yr neb a watto hyny cỽpplaho a reith
gỽlat neu reith arall a perthyno ar y dadyl
ae llỽ vn dyn a llỽ llawer. LLe y perthyno
reith gỽlat; yno y dyly y brenhin kymhell
y reith yr creir y tygu yn gyfreithaỽl bot
y gỽadỽr yn euaỽc neu na bo. Reith gỽlat
yỽ llỽ deg wyr a deu vgeint a gynhalho tir
dan y brenhin. lle ny pherthyno reith gỽ ̷+
lat. yno y gỽatỽr a dyly keissaỽ reith
gyfreithaỽl trỽydaỽ e| hunan. Nyt diga* ̷+
ỽr y amdiffynnỽr y amdiffyn ac nyt palle ̷+
dic hyt pan el deturyt gỽlat. rydaỽ ar kỽ ̷+
ynỽr gan tygu yn gyfreithaỽl bot yn wir
| « p 126 | p 128 » |