LlGC Llsgr. 24049 (Boston 5) – tudalen 12
Llyfr Blegywryd
12
paỽb a|e werth. SArhaet penteulu ẏỽ; t ̷+
raẏan sarhaet ẏ|brenhin. A|e werth ẏỽ
traẏan gỽerth ẏ|brenhin. a|phob vn heb
eur a|heb arẏant. SArhaet pob vn o|r
rei hẏnn; nẏt amgen. Distein. Penk ̷+
ẏnẏd. Penguastraỽt. Braỽdỽr llẏs. He+
bogẏd. Guas ẏstauell. Morỽẏn ẏstauell.
naỽ mu. a|naỽ vgeint arẏant. Guerth
pob vn ohonunt ẏỽ; naỽ mu. a|naỽ vge+
in mu. gan tri drẏchauel. Ereill a|dẏw+
eit am|ẏ distein. ẏ|telir sarhaet a galan+
as deudẏblẏc idaỽ. SArhaet pob vn o|r
sỽẏdogẏon ereill oll; ẏỽ whe|bu. a|wheu ̷+
geint arẏant. Galannas pob vn ohonn+
unt ẏỽ; whe|bu. a wheugeint mu. gan
tri dri* drẏchauel. PAn lather dẏn. ẏ|sa+
rhaet a|telir ẏn gẏntaf. Ac odẏna ẏ we+
rth. kannẏ ellir llad neb heb ẏ|sarhau.
namẏn heb drẏchauel ẏ|telir. Nẏ|bẏd dr+
ẏchauel ar|sarhaet neb. Y|nneb a sar ̷+
ho offeirat. neu a|e lladho. godeuet gyfreith.
sened. eithẏr am|welẏ tauaỽt. Lletẏ ẏ
penteulu ẏỽ ẏ|tẏ mỽẏhaf ẏm|perued ẏ
| « p 11 | p 13 » |