LlB Llsgr. Cotton Cleopatra B V rhan ii – tudalen 175v
Llyfr Cyfnerth
175v
byd golwythyon kyfureithlawn yn hyd y
brenhin gwedy calan racỽyr. Y|nawuet
dyd racỽyr y|dengys y|kynyd yr brenhin
y|kwn a|e|gyrn a|e kynllyỽaneỽ. A|e rann
o|r|crwyn. Y Penkynyd bieỽ traean rann
y|brenhin o|r crwyn. Canys ef vn dyn y|tra+
yana y|brenhin ac ef. hyd Nawuettyd.
Racuyrr ny|cheiff nep a|e holo attep y|gan
y|penkynyd. Onyd swydawc llys vyd. kan
ny eill nep o|r swydogyon gohiryaw dadyl
y|gilyd o byd a|e Barnho. E|penkynyd a|geif
ran deu wr. y|gan gynydyon y|gellgwng
A ran gwr y|gan gynydyon y|milgwn. Gwe+
dy ranher y crwyn y·rwng y brenhin a|r ky+
nydyon Aed y penkynyd a|e gynydyon gan+
thaw ar doureth ar y taeogeỽ y|brenhin
Odyna doent ar y|brenhin erbyn nodolic
lle y penkynyd a gynydyon ganthaw is y
golofuyn gyuarwynep ar brenhin. lloneid
corn o|lyn a|daw idaw y|penkynyd y|gan y|bre*+
| « p 175r | p 176r » |