Llsgr. Caerdydd 1.363 (Hafod 2) – tudalen 94v
Brut y Brenhinoedd
94v
Ac eyssyoes e peth a hvnnỽ a annodes hyt pan
kavas en kyntaf er holl wladoed ar holl kestyll
ar dynassoed kadarn arpennyc wrth y kyghor
a|e vedyant e|hvnan. Ac gwedy kaffael o·honaỽ he+
nny evelly wrth y kyghor a|e vedyant erchy a orvc
yr brenyn rody y trysor a|e swllt a|e evr a|e aaryant*
a|e tlyssev en|y warchadv ef ac en|y vedyant a|e dynas+
soed ar kestyll. kanys ef a kadarnhae y ry dyvot ry
kvdyeỽ attav bot er enyssed eny* eỽ kylch en emkyn+
wllav ac en llvdhaỽ am pen enys prydeyn. Ac gwedy
kaffael ohonav henny y gan e brenyn ef a dodes y
wyr dan en e kestyll henny neỽ kadỽ ỽrth y vedya+
nt a|e ewyllys e|hvnan. Ac gwedy darvot ydav henny
dechreỽ medylyav pa wed e galley ef eylenwy er uat
dywededyc vrat wuchot. Ac wrth henny ef a devth at
constans a dywedwyt wrthaỽ bot en reyt ydaỽ ef
aghwaneg eyryf y teylw megys e bey dy pryder
ach a dyogelach ydaỽ rac y elynyon. Ac ena e dywavt
constans. Panyt y|th vedyant ty ac y|th dyosparth
e gorchymynneys holl lywodraeth a holl pryder e te+
yrnas. ac wrth henny gwna dytheỽ pob peth o|r a
vynnych. a henny hagen gan kadv fydlonder y my
| « p 94r | p 95r » |