Rhydychen, Llsgr. Coleg yr Iesu 119 (Llyfr Ancr Llanddewi Brefi) – tudalen 30r
Ystoria Lucidar
30r
thrud. Ynn lle goludoed. Ac adeiladev. pryuet a|e
goresgynn ỽynt yng gogouev uffernnaỽl. Odyna
y|dyỽedir. Wynt a|dygant ev dydyev yn|da. Ac a
disgynnant y|vffernn. Ar ennyt pỽynt bychan.
Y rei a|dyỽedy di. Ac a|gernnhey ev bot ynn|da.
ny|chyfueruyd ac wynt y|ryỽ agkymwynnas+
sev hynny. tebic ynt yr nep a|arhwaeddont
pryfuet nev lyssev chwerỽ arall. A gwedy hyn+
ny gỽell vyd blas y|gwin. Ac yn lle y carchar
wynt yma. y|derbynnir wyntev y|bepyllev tra+
gywyd. A thros y hammarch wynt yma. y ka+
ffant wyntev gogonyant rac llaỽ. A|llewenyd.
dros ev heissev yma ny byd arnadunt na neỽ+
yn na sychet gwedy hynny byth. Ac aruev go+
uut yma. ny byd arnunt na dolur na|chỽyn+
van. Ac velly y|prouir bot y|rei gwiryonn yn
gyuoethaỽc. ac yn wynnvydedic vyth. A|rei
ennwir yssyd eissywedic. a|thrueni. O|ba|le y byd
teilyngdaỽt. Y gann duỽ y|mae pob teilyngdaỽt.
A phop meddyant. na drỽc na da voent. Odyna
y|dyỽedir. Nyt oes veddyant onnyt y|gann duỽ.
Ef a|venyc hagen vchot paham y|keiff yr rei
drỽc veddyant weitheu. A rei da weithev ereill.
Beth a vernny di yr nep a|wertho nev a|bryno
teilyngdaỽt. Y|nep a|e pryno ef. a|a ygyt a symon
| « p 29v | p 30v » |