Rhydychen, Llsgr. Coleg yr Iesu 119 (Llyfr Ancr Llanddewi Brefi) – tudalen 33r
Ystoria Lucidar
33r
dechreu byt. kannyt eidaỽ nep onnyt a|vynno
duỽ o|e drugared. Velle ny dichaỽnn y rei drỽc
gwnneuthur mỽy noc atto idaỽ dỽyỽaỽl varnn.
Ac ny byd mỽy ev poen noc awyr duỽ yr dech+
reu byt hyt dilyỽ. y|dylyv onadunt megys y
dyỽedir. kynn gwnneuthur onadunt na da.
na drỽc. Mi a geisseis esav. Ac a|gereis Jacop.
A megys y gỽelir bot yn gamgylus y|nep a gly+
ỽo llaỽer y|ỽrth duỽ. Ac nyt vfuydhao idaỽ.
Velle y|gỽelir bot yn diargyỽed yr nep ny|chig+
leu dim y|ỽrth duỽ. Ac o|r achos hỽnnỽ ny wn+
naethant idaỽ dim gỽassannaeth. A|dynyon
a|greỽyt yr gwassannaethu o·nadunt y|kre+
aỽdyr drỽy garu y kyff nessaf herỽyd anyan
megys y|dyỽedir. na wna dim y arall onnyt
a|vynnvt ytty|hun. Ny mynn nep ledratta ar+
naỽ. na dỽyn y|gymar. na|e lad. vrth hynny
na wnaet yntev hynny y|arall. A|phann tre+
mycco dynyon y kyfnesseiueit yn|y ryỽ pethev
hynny. y|maent yn gwrthỽynnebu yr gỽr ys+
syd wir garyat. A channyt oes gogyl ynn|y
byt nyt adnapper duỽ. Am hynny nyt oes
esgus. A dichaỽn y|nep ny wypont dim vrth
duỽ. Ac a|wnelont a da a|drỽc. escussodi. Y|nep
nyt adnapo nyt adnabydir. Ar nep nyt adnap+
| « p 32v | p 33v » |