Rhydychen, Llsgr. Coleg yr Iesu 57 – tudalen 178
Llyfr Blegywryd
178
Dywededic yỽ hyt hynn o gyfreith y ỻys a
chyfreith y wlat. dyỽedadỽy yỽ rac ỻaỽ
o|r|arueroed. ~ ~ ~
T Ri aruer kyfreith yssyd. kyntaf yỽ. kyn+
nal dyd kyfreithaỽl y dechreu dadyl. me+
gys naỽuettyd mei neu galan gaeaf. am|dadyl
tir trỽy ach ac eturẏt. neu dyd at ovyn dadyl
ebryuedic. nyt amgen noc o|vyỽn vn dyd a
blỽydyn o|r pan|dechreuer. Eil yỽ. aruer kyn+
nal mod kyfreithaỽl. y dadleu gan ymhaỽl
ual y dewisso gỽyr y ỻys. a|r braỽdwyr ae geir
tra geir. ae gỽers tra gỽers. kanys gỽyr y
ỻys bieu datkanu pob dadyl yn gofyaỽdyr
kynn barn. a gỽedy hynny braỽtwyr y var+
nu ac y datkanu y|dadyl ar uarn pan vo reit.
Pob cof ỻys. a phop deturyt gỽlat. gan dyngu
trỽydaỽ berued y cofaỽduryon. a thỽng y saỽl
a|duuno ac ỽynt herỽyd eu kytwybot. Cof
ỻys. a deturyt gỽlat un rym ynt. ac nyt am
yr un·ryỽ beth y perthynant. Cof ỻys am yr
| « p 177 | p 179 » |